396               TESTAMENTS ENREGISTRÉS AU PARLEMENT DE PARIS            (636)
pour les ames de ceulx desquelx il a trop prins d'argent ou mal gaigné, pour ce qu'il ne les cognoit de present ou ne les a voulu cognoistre, ou a esté trop négligent de ce savoir et enquerir, ou autrement, tele-ment qu'il n'a point memoire de leurs noms, ne des lieux où ilz de­meurent.
Item, il laissa à Colin de la Gourt, son premier clerc, demourant au dit Couilly, s'il est en vie, si non, à ses enfans, femme et hoirs, xxxvi solz Parisis pour une foiz.
Item, il laissa à son filleul Jehannin Martin x livres Tournois, pour une fois, parmi ce qu'il sera tenu de prier Dieu pour l'ame du dit tes­tateur.
Item, il laissa à sa filleule, fille de sa commère la nourrice de maistre Jehan Cordier, demourant en la grant rue Saint Denis, xl solz Tournois.pour une foiz.
Item, le dit testateur laissa à son clerc, Jehannin le Ber, qui l'a servi bien et loyaument par l'espace de un ans, sa robe de couleur de vert, fourrée de gorges de martres, avec x livres Tournois pour une foiz, pourveu qu'il sera tenu de prier Dieu pour l'ame de lui etde aidier à ses amis vivans eu ce qu'ilz auront à faire, tout ainsi comme il voul­droit que le dit testateur feist pour lui en tel cas.
Item, le dit testateur laissa à sa chamberiere, Guillemette la Pele-liere, qui aussi pareillement l'a servi bien et loyaument par certain temps, sa longue robe de drap vert brun, fourrée de croupes de gris, avec xl solz Tournois, pourveu qu'elle sera tenue de prier Dieu pour l'ame du dit testateur et de ses amis trespassez.
Item, en tant que touche les quarante livres Parisis de douaire dont il a douée Jehannette, sa femme, et dont les lettres furent et sont pas­sées par devant Jehan de Beauvais et Thomas Boynel, notaires du roy nostre dit seigneur ou dit Chastellet, le dit testateur veult qu'elle en joysse paisiblement durant sa vie, se ses heritages y pevent souffire; si non, il lui avoit, avant qu'il l'espousast, autres foiz requiz et encores requiert qu'elle ait et vueille avoir ses povres parens et amis pour humblement recommandez, et prendre en pacience le dit douaire sur